Árlegur Vísindadagur Orkuveitu Reykjavíkur og Orku náttúrunnar verður haldinn föstudaginn 20. mars næstkomandi. Í ár hefst vísindadagurinn á sólmyrkva! Ráðstefnugestum verður boðið út á svalir á höfuðstöðvum Orkuveitu Reykjavíkur við Bæjarháls og boðið að rýna í gegnum til þess gerð gleraugu á sólmyrkvann áður en gengið verður til dagskrár. Þar verður boðið upp á kynningu á 14 vísindaverkefnum, sem unnin hafa verið af fyrirtækjunum tveimur eða í samstarfi við þau. Skráningar er óskað og stendur hún yfir á vef Orkuveitu Reykjavíkur.
Fréttir
Fréttir
Dagskrá aðal- og vorfunda JHFÍ
Fimmtudaginn 19. mars næstkomandi heldur Jarðhitafélag Íslands aðalfund sinn. Fundurinn hefst kl. 14:00 og er haldinn í húsakynnum Landsvirkjunar, Háaleitisbraut 68. Vorfundur félagsins verður haldinn í beinu framhaldi af aðalfundinum og hefst á sama stað kl. 15:00. Meginþema fundarins er „Verkefni Íslendinga á World Geothermal Congress 2015 í Ástralíu“. Sjá má dagskrá fundanna á heimasíðu JHFÍ.
Foreldrar og 10. bekkingar kynni sér kosti starfsnáms
Samtök fyrirtækja í atvinnulífinu hvetja þessa daga foreldra og forráðamenn unglinga í 10. bekk til að kynna sér fjölbreytt námsframboð framhaldsskólanna. Í bréfi samtakanna til foreldra og forráðamanna er sérstaklega bent á kosti starfsnáms, sem veitir ungu fólki möguleika á að starfa sjálfstætt og afla sér góðra tekna í framtíðinni. Sjá nánar hér á vef Samtaka atvinnulífsins.
ESB eykur kröfur um samtengingar raforkukerfa, m.a. með sæstrengjum
Framkvæmdastjórn Evrópusambandsins hefur sett fram tilmæli til aðildarríkja sambandsins þess efnis að þau efli samtenginar flutningskerfa raforku, m.a. með aukinni uppbyggingu sæstrengja. Tólf núverandi aðildarríkja ESB uppfylla ekki þessar kröfur í dag, m.a. Bretland og Írland. Ætla má að þessar kröfur, auk kröfunnar um aukinn hlut endurnýjanlegra orkugjafa og aukið orkuöryggi, skýri þann áhuga sem bresk stjórnvöld hafa sýnt á tengingu um sæstreng við Ísland o.fl. ríki.
Opinn fundur Landsvirkjunar um loftslagsmál
Landsvirkjun býður til opins fundar um loftslagsmàl og ábyrgð fyrirtækja, í Gamla bíó miðvikudaginn 4. mars kl 14-17. Sjá nánar hér á vef Landsvirkjunar.
Stór erlend fjárfesting í óvissu vegna takmarkana í flutningskerfinu
Óvissa ríkir um stórt erlent fjárfestingarverkefni í Dalvíkurbyggð, vegna takmarkana í flutningskerfi raforku. Bjarni Th. Bjarnason, sveitarstjóri í Dalvíkurbyggð, segir öfgahópa ekki mega stöðva uppbyggingu flutningskerfisins. Efla verði kerfið í Eyjafirði og nágrenni og værukærir stjórnmálamenn og sveitarstjórnarfólk séu sofandi á verðinum.
Gjaldeyrisskapandi fyrirtækjum í Fjarðabyggð gert að búa við eitt lakasta afhendingaröryggi raforku á landinu
Stórum orkunotendum og gjaldeyrisskapandi fyrirtækjum í Fjarðarbyggð er gert að búa við eitt lakasta afhendingaröryggi raforku í landinu. Þetta kom fram í erindi Páls Björgvins Guðmundssonar, bæjarstjóra Fjarðabyggðar í erindi hans á aðalfundi Samorku.
Takmörk flutningskerfisins torvelda orkusölu Landsvirkjunar
Dæmi eru um að samningar um orkusölu hafi ekki náð að fram að ganga vegna takmarkana í flutningskerfi raforku, en afhending 10 megavatta eða meiri orku er nú einungis möguleg í tveimur landshlutum. Þetta kom fram í erindi Óla Grétars Blöndal Sveinssonar, framkvæmdastjóra þróunarsviðs Landsvirkjunar, á aðalfundi Samorku. Hann segir þegar virkjaðar auðlindir ekki nýttar til fulls vegna takmarkana í flutningskerfinu, sem jafnframt torveldar þróun nýrra virkjana.
„Evrópumeistarar í notkun kerfisvarna“
Nauðsynlegt er að styrkja flutningskerfi raforku víða um land, þar sem öryggi afhendingar raforku er óviðunandi. Raforkunotendur utan Suðvesturlands búa við miklu minna afhendingaröryggi rafmagns og þar eru mun meiri líkur á truflunum og skerðingum í raforkuafhendingu en hjá notendum Suðvestanlands. Þetta kom fram í erindi Ragnars Guðmannssonar, yfirmanns stjórnstöðvar Landsnets, á aðalfundi Samorku. Hann segir Íslendinga Evrópumeistara í notkun kerfisvarna í raforkukerfinu.
Iðnaðarráðherra: Vonbrigði með rammaáætlun
Í ávarpi sínu á aðalfundi Samorku sagði Ragnheiður Elín Árnadóttir, iðnaðar- og viðskiptaráðherra, brýnt að styrkja flutningskerfi raforku, og bindur hún vonir við að þingmál þess efnis verði samþykkt á yfirstandandi þingi. Þá sagði ráðherrann að áfangaskýrsla verkefnisstjórnar 3. áfanga rammaáætlunar, þar sem lagt er til að (einungis) Hvammsvirkjun verði færð í nýtingarflokk hefði valdið sér töluverðum vonbrigðum. Lýsti hún stuðningi við fyrirliggjandi breytingartillögu meirihluta atvinnuveganefndar, þar sem lagt er til að fleiri kostir verði færðir í nýtingarflokk.
