Fyrir þátttakendur

Hvernig fer rannsóknin fram?

  Skráning og upplýst samþykki

Allir þátttakendur í úrtaki voru valdir út frá ökutækjaskrá og hafa fengið boð um þátttöku.
Hægt er að óska eftir þátttöku með því að senda tölvupóst á hledslurannsokn@hledslurannsokn.is.
Ef þú hefur fengið boð og vilt taka þátt, þá getur þú skráð þig með því að smella á takkann hér fyrir neðan.

                                               

  Fá búnað í hendurnar – dreifing mælibúnaðar

Eftir að skráning hefur verið móttekin verður mælibúnaði komið til þátttakenda í lok október. Ef þú býrð:

• Á höfuðborgarsvæðinu
  • Er hægt að nálgast mælibúnað hjá Landsvirkjun á Háaleitisbraut 68 eftir 25. október og fá um leið aðstoð við uppsetningu.
  • Fá starfsmann rannsóknar til þess að koma honum til þín. Hægt er að mæla sér til móts við starfsmann
    rannsóknar með því að senda tölvupóst á hledslurannsokn@samorka.is eða í síma 768-4430.
• Utan höfuðborgarsvæðis
  • Búnaði er komið til þín. Annaðhvort með pósti eða þá að starfsmaður rannsóknar kemur honum til þín.

  Uppsetning búnaðar í bíl

Uppsetning búnaðar er yfirleitt afar einföld og tekur skamman tíma. Gott er að eiga þær pakkningar sem fylgir mælitæki fyrir síðari notkun þegar búnaði er skilað í lok rannsóknar.

Til þess að setja upp mælitækið er hægt að fylgja eftirfarandi leiðbeiningum:

Staðsetning OBD II tengis
Upplýsingar um hvar OBD II tengið er staðsett í þínum bíl má finna hér.
Yfirleitt er OBD II tengið staðsett fyrir neðan stýri og fyrir ofan bensíngjöfina. Í sumum bifreiðum er plast stykki sem hylur
tengið sem auðvelt er að fjarlægja.

Aðstoð við uppsetningu
Þú getur óskað eftir aðstoð við uppsetningu með því að senda tölvupóst á hledslurannsokn@samorka.is eða hafa samband í
síma 768-4430. Það stendur til boða fyrir þátttakendur að mæla sér til móts við starfsmenn rannsóknar og fá persónulega aðstoð.

  Rannsókn á hleðsluhegðun – rannsóknartímabil

Rannsókn á hleðsluhegðun stendur yfir í 12 mánuði. Rannsóknartímabilið hefst um leið og mælibúnaður hefur verið uppsettur rétt í bíl þátttakenda. Yfir þetta tímabil verður mælibúnaður tengdur í OBD II tengi bílsins. Vert er að taka fram að búnaðurinn notar lítið sem ekkert rafmagn og hefur ekki áhrif á drægni bílsins. Hann slekkur á sér fljótlega eftir að slökkt er á bílnum.

Vandamál
Í því tilfelli að bíll verður ónothæfur, eigendaskipti eiga sér stað, tæki bilar, týnist eða er stolið skal láta aðstandendur rannsóknarinnar vita með tölvupósti á hledslurannsokn@samorka.is eða í síma 768-4430.

  Skil á búnaði og gjafakort

Í lok rannsóknar þegar gagnasöfnun lýkur ber að skila mælibúnaði aftur til Samorku eða til aðildarfyrirtækja þess sem standa að rannsókninni.

Hægt er að skila búnaði í móttöku hjá eftirfarandi starfsstöðvum sýndar hér fyrir neðan eða þá senda hann með pósti til Samorku í Borgartún 35, 105 Reykjavík. Samorka greiðir sendingarkostnaðinn. Þegar þátttakandi sendir búnaðinn til Samorku skal sjá til þess að viðtakandi (Samorka) greiðir burðargjald.

Þegar mælibúnaður hefur komist til skila fá þátttakendur með einkabíl 3000 kr. gjafakort sem hægt er að nota hvar sem er.

Hafa samband